ढिसलेवाडी आणि वांगी दोन्ही साठवण तलावाची स्थगिती उठवण्यास माजी मंत्री जयदत्त क्षीरसागर  यांच्या प्रयत्नांना यश

बीड दि.26 (प्रतिनिधी)-शिरूर तालुक्यातील रायमोह सह येवलवाडी, वंजारवाडी, सांगळवाडी डोळेवाडी ढिसलेवाडी दत्तनगर आणि बीड तालुक्यातील वांगी गावचा सिंचनाचा प्रश्न मिटणार आहे माजी मंत्री जयदत्त क्षीरसागर यांच्या प्रयत्नाला यश आले असून यासाठी निविदा प्रसिध्द झाली आहे

साठवण तलाव ढिसलेवाडी 5.90 कोटी तर वांगीसाठी 3.51 कोटी रुपयांची पुर्नर निविदा प्रकाशित.
साठवण तलाव ढिसलेवाडी शिरूर तालुका जिल्हा बीड 1323 टिसीएम( सहस्त्र घनमीटर) एवढा पाणीसाठा असलेल्या या तलावाचे वैशिष्ट्ये म्हणजे संपूर्ण तलाव हा माती कामाने होणार आहे. सदरील योजना गोदावरी खोरे उपखोरे सिंदफणा नदी असे प्रस्तावित होते . या योजनेस जलसंपदा विभाग मार्फत दिनांक 18 फेब्रुवारी 2010 रोजी 1.08 एम.सी.यु.एम.पाणी उपलब्धता प्रमाणपत्र प्राप्त झाले होते.

जिल्हा जलसंधारण अधिकारी बीड दि.06 जुलै 2019 आणि प्रादेशिक जलसंधारण अधिकारी मृदू व जलसंधारण विभाग औरंगाबाद यांनी दि.03 ऑगस्ट 2019 ला माजी मंत्री जयदत्त क्षीरसागर यांच्या मागणीनुसार जलसंधारण महामंडळ कार्यालयामार्फत प्रशासकीय मान्यता मिळण्याच्या अनुषंगाने अप्पर आयुक्त तथा मुख्य अभियंता प्रादेशिक कार्यालय पुणे यांच्याकडे सादर केले होते.

2019 मध्ये जयदत्त क्षीरसागर यांनी मंत्री पदाच्या काळामध्ये शिरूर तालुक्यात 33, बीड  तालुक्यात 11 असे एकूण 45 कोटी रुपयांची 44 कोल्हापुरी बंधारे  मंजूर करून घेतले होते. ज्याची कामे आता पूर्ण झाली असून त्यांची एकूण साठवण क्षमता 3600 टीसीएम ( सहस्त्र घनमीटर) एवढी होत असून सिंचन क्षेत्र 1100 हेक्टर म्हणजे 2750 एकर एवढे होत आहे.

 अंदाजपत्रक 2017-18 चे दर सूचीनुसार 4.40 कोटी एवढे झाले होते. 251 ते 600 हेक्टर सिंचन क्षमता असलेल्या या साठवण तलावास व्यवस्थापकीय संचालक पुणे यांनी दि.11 सप्टेंबर 2019 ला प्रशासकीय मान्यता प्रदान केली होती. पुढे शासन बदलल्यामुळे शासनाने याला स्थगिती ही दिली होती . पण माजी मंत्री जयदत्त क्षीरसागर यांनी मंत्रालय स्तरावर पाणी उपलब्धतेसाठी जलसंपदा मंत्री यांच्याकडे अंदाजपत्रक रिवाईज करून प्रशासकीय मान्यता आणि निविदा प्रकाशित करणेबाबत जलसंधारण मंत्री यांना वेळोवेळी पाठपुरावा करून नवीन दरसुचीनुसार या साठवण तलावाची निविदा किंमत 5.90 कोटी आणि वांगी साठवण तलाव निविदा किंमत 3.51 कोटी एवढी करून घेतली. आता या साठवण तलावाची पुर्नरनिविदा प्रकाशित झाली आहे.रायमोहा सह येवलवाडी, वंजारवाडी, डोळेवाडी, दत्तनगर, ढिसलेवाडी, सांगळवाडी या गावांचा सिंचन प्रश्न लवकरच संपणार आहे. गेल्या अनेक वर्षापासून या प्रकल्पाच्या संदर्भात वरील गावांचे ग्रामस्थ माजी मंत्री जयदत्त क्षीरसागर यांना भेटत होते, निवेदन देत होते. या भागातील हा जिव्हाळ्याचा प्रश्न मार्गी लागावा,काळ्या आईची तहान भागवी, ऊसतोड मजुराचा हातातील कोयता निघावा म्हणून गेली अनेक वर्ष माजी मंत्री जयदत्त क्षीरसागर पाठपुरावा करत होते.

त्यांच्या प्रयत्नांना यश आले असून ढिसलेवाडी साठवण तलावाची निविदा आता प्रकाशित झाली आहे. लवकरच हे काम मार्गी लागणार म्हणून या भागातील शेतकर्‍यांच्या आशा पल्लवीत झाल्या आहेत आणि त्यांनी जयदत्त क्षीरसागर यांचे आभार मानले आहे .