बेकायदा दारु विक्री; मद्य पान करणारासह हाँटेल चालकास दंड
माजलगाव-(प्रतिनिधी)तालुक्यातील सावरगाव येथील बेकायदा दारु विक्री करणाऱ्या हाँटेल चालकास माजलगाव येथील कोर्टाने 30 हजार रुपये दंड तर दारु पिणार्या दोघा ग्राहकास 1हजार रुपये दंड ठोठावला आहे.
सावरगाव येथील शिवराज हॉटेलचा चालक राजेश सुधाकर नाईकनवरे याने आपल्या हॉटेल मध्ये येणाऱ्या ग्राहकांना विनापरवाना मद्यसेवनास अवैद्य परवानगी देत असतात अशी खात्री लायक खबर मिळाल्यावरुन 21 डिसेंबर रोजी . जी . एन . गुरव , निरीक्षक राज्य उत्पादन शुल्क , अंबाजोगाई यांचा सर्व स्टाफ , दुय्यम निरीक्षक , राज्य उत्पादन शुल्क , अंबाजोगाई यांचा सर्व स्टाफ व दुय्यम निरीक्षक , राज्य उत्पादन शुल्क , माजलगाव यांचा सर्व स्टाफ यांच्या पथकाने सदरील हॉटेल वर गुन्हे कामी छापा घातला असता
हॉटेल चालक राजेश सुधाकर नाईकनवरे , वय : 27 वर्ष , धंदा : हॉटेल मालक , रा . सावरगाव ता . माजलगाव जि . बीड याने अवैधरित्या कोणताही कायदेशीर परवाना नसताना सदरील हॉटेल मध्ये एकूण 02 ग्राहक दारू पितांना आढळून आल्याने सदर ठिकाणी महाराष्ट्र दारूबंदी अधिनियम 1949 चे कलम 68 ( अ ) ( ब ) 84 अन्वये गुन्हा नोंदवून इतर मद्य सेवन करणारे एकूण 02 ग्राहक इसम व हॉटेल चालक असे एकूण 03 इसमां विरुद्ध गुन्हा नोंद करण्यात आला होता
